NN's Poetries, NN's Shayaris | Part 1 | - The NN Life

Latest

Wednesday, January 20, 2021

NN's Poetries, NN's Shayaris | Part 1 |

NN's Poetries, NN's Shayaris

NN's #Poetries #Shayaris


1) Yeh Kaisa Dukh Hai Joh Mai Kisi Se Keh Hi Nahi Sakta,

Chah Kar Bhi Ise Kam Mai Kar Hi Nahi Sakta, 

Kuch Toh Upaay Karo Yaaron, Is Dukh Ka Mere,

Isse Jyada Ab Mai Ise Seh Hi Nahi Sakta! 

~NN


2) Mai Itna Bebas Hu Chah Kar Bhi Kuch Kar Nahi Paa Raha,

Tu Itni Dut Khadi Ro Rahi Hai, 

Tujhse Bhi Mera Dukh Dekha Nahi Ja Raha,

Voh Khuda Toh Sab Kuch Dekh Raha Hai,

Tujhe Or Mujhe Rulaane Ka Paap,

Kya Uske Hisse Me Ab Nahi Ja Raha?

~NN


3) Aaj Phir Neend Nahi Aayegi,

Raat Me Phir Teri Yaad Satayegi,

Na Jaane Kab Tak Teri Mohobbat Mujhe Is Tarah Rulaayegi,

Aaj Nahi Toh Kal Kabhi Toh Tu Mera Saath Nibhaayegi,

Yehi Mera Junoon Tere Liye Na Jaane Ek Din Kitna Gandi Maut Mujhe Marvaayegi,

Aaj Phir Neend Nahi Aayegi.

~NN


4) Aaj Phir Tu Nahi Teri Yaad Aayi,

Aaj Phir Mar-Mitne Ki Khud Se Bewafai Aayi,

Ishq Is Kadar Ho Chuka Hai Tujhse,

Meri Rooh Me Mai Kam Teri Rooh Jyada Samayi,

Ae Meri Jaan,

Aaj Phir Tu Nahi Teri Yaad Aayi.

~NN 


5) Accha, Toh Tum Mujhse Pyaar Karte Ho,

Pyaar Karte Ho Par Izhaar Nahi Karte,

Yaad Karte Ho Par Mulaqaat Nahi Karte,

Khayal Rakhna Chahte Ho Mera Par Khayal Nahi Rakhte,

Kareeb Aana Chahte Ho Mere Par Kareeb Nahi Aate,

Accha, Toh Tum Mujhse Pyaar Karte Ho,

Bohot Badhiya Sa Majak Karte Ho.

~NN


6) Ishq Me Tere Khud Ko Tadpana Bhi Manjur,

Khud Se Bewafai Bhi Manjur,

Tere Liye Har Pal Tarasna Bhi Manjur,

Khwaabon Me Tujhko Pana Bhi Manjur,

Pata Hai Tu Nahi Aayegi Vapas,

Phir Bhi Tujhe Vaapas Laane Ki Zid Karna Bhi Manjur.

~NN


7) Kya Galti Huyi Us Khuda Se,

Joh Hum Ek Dusre Se Dur Hai,

Pyaar Beintehaan Hai Dono Ko,

Par Dono Hi Majbur Hai.

~NN


8) Tere Pyaar Me Maine Khud Ko Tadpana Sikh Liya,

Tujhe Khush Hote Dekh Maine Khud Khush Hona Sikh Liya,

Uska Tujhse Lipatna Mujhme Kuch Is Tarah Asar Kar Gaya,

Lipat Voh Gaya Tujhse Lekin Mehsoos Voh Mujhe Kar Gaya.

~NN


9) Rooh Me Meri Mai Kam Tu Jyada Basti Hai,

Hasti Huyi Kam, Tu Roti Huyi Jyada Khubsurat Lagti Hai,

Dhoka De Gayi Tu, Yeh Kis Ki Galti Hai?

Pyaar Kiya Maine Tujhse Beintehaan, Kya Meri Galti Hai?

~NN


10) Tune Mera Haal Puche Zamana Ho Gaya,

Bina Tera Mujhe Chahe Chahte Fasana Ho Gaya,

Mai Toh Paaglo Jaise Tujhe Beintehaan Chahta Raha,

Aur Tera Auro Ko,

"Mere Ishq Me Pagal Hai Yeh Ladka" Kehna Ek Bahana Ho Gaya.

~NN


11) Khuda Tujhse Dur Ho Raha Hu Mai,

Khud Me Hi Mashhoor Ho Raha Hu Mai,

Mujhe Dar Na Raha Ab Kisi Cheez Ka,

Ab Khud Hi Khud Ka Khuda Ho Raha Hu Mai.

~NN


12) Kis Se Dard-E-Bayaan Karu,

Baahon Me Kiske Aaram Karu,

Thoda Pyaar Chahiye Mujhe Zinda Rehne Ke Liye, 

Kisse Pyaar Ki Ab Mai Gujaarish(Aazmaaish) Karu?

~NN


13) Mohobbat Mukkamal Ho Zaruri Toh Nahi,

Pyaar Ke Badle Pyaar Mile Zaruri Toh Nahi,

Agar Pyaar Ke Badle Sirf Dukh, Dard, Pachtava Mil Raha Hai,

Phir Bhi Tum Mohobbat Karo,

Kahin Yeh Tumhara Uske Liye Junoon Toh Nahi?

~NN

No comments:

Post a Comment