NN's Poetries | Part 3 | - The NN Life

Latest

Friday, February 5, 2021

NN's Poetries | Part 3 |

NN's Poetries

#Poetries


20) Agar Yeh Jaisi Zindagi Chal Rahi Hai,

Ise Jeena Kehte Hai Toh Mai Jeena Nahi Marna Chahta Hu,

Shanti Chahta Hu, In Sabhi Se Dur, Jaha Tu Ho, 

Tera Saath Ho, Tera Jaha Mujhe Pyaar Mile,

Us Jagah Jana Chahta Hu,

Tujhe Chahta Hu, Do Pal Ka Sahi Tera Saath Chahta Hu,

Agar Yeh Jaisi Zindagi Chal Rahi Hai,

Ise Jeena Kehte Hai Toh Mai Jeena Nahi Marna Chahta Hu.

~NN


21) Tu Kon Hai Joh Meri Kadar Kar Raha,

Bin Bataye Mera Sabar Kar Raha,

Mai Khudka Na Ho Saka, Tera Kya Hounga?

Jaane-Anjaane Tu Mujhse Ishq Kar Raha,

Naa Kar! Dushman Yaha Mai Khud Ka Hu,

Tera Mujhe Tu Kyun Banwa Raha,

Pyaar Toh Mai Nahi Kar Sakta Tujhse,

Yeh Toh Tu Jaan Chuka,

Toh Ab Tu Mujhse Dosti Ki Umeed Kar Raha.

~NN


22) Mai Usse Behad Pyaar Karta Hu Yeh Mai Kam Voh Jyada Jaanti Thi,

Uska Pyaar Koi Aur Tha Yeh Sacchai Mujhe Kam Use Jyada Rulati Thi,

Mai Chahta Toh Mere Khaatir Voh Use Chhod Deti,

Lekin Tute Dil Liye Firta Mai Tha,

Tute Dil Ka Dard Kisi Aur Ko Kaise Deta?

Mai Khud Ke Hi Hatho Kisi Aur Ki Mohobbat,

Apne Naam Kaise Karta?

~NN


23) Hum Khush Hoye Kis Ke Liye, Hum Roye Kis Ke Liye?

Kon Hai Yaha Apne, Sab Hi Toh Paraye Hai?

Kisne Diya Saath Mera, Apno Se Hi Toh Jyada Dhoke Maine Khaaye Hai,

Log Hai Toh Bohot, Par Saath Dene Wale Kitne Hai,

Jismo Wale Toh Hai Bohot, Par Rooho Wale Kitne Hai.

~NN


24) Tu Toh Pyaar Karti Thi Na Mujhse,

Phir Tu Mujhe Bhuli Kaise?

Tera Toh Saccha Pyaar Tha Na Mai,

Toh Dhoka Is Kadar Tune Mujhe Di Kaise?

Tujhe Toh Meri Saari Baatein Pasand Aati Thi Na,

Toh Meri Baatein Tujhe Ab Buri Lagne Lagi Kaise?

Tu Toh Pyaar Karti Thi Na Mujhse,

Phir Tu Mujhe Bhuli Kaise?

~NN


25) Tujhse Saccha Ishq Kiya Hai Koi Jhutha Dawa Nahi,

Jab Tak Zinda Rahege Tujhi Se Ishq Karege,

Tu Meri Na Ho Saki Toh Kya?

Tujhe Bhul Jaau? Bilkul Nahi,

Tujhse Saccha Ishq Kiya Hai,

Tujhi Se Marte Dum Tak Ishq Karege,

Ek Tarfa Hi Sahi Beintehaan Karege.

~NN


26) Tere Jaane Ke Baad Tere Maa-Baap Royege,

Tere Dost Tere Sang Bitaaye Pal Sochkar Tujhe Miss Karege,

Tujhe Apne Jaan Se Bhi Jyada Pyaar Karnewala Tera Voh Aashiq,

Tere Liye Har Ek Pal Tarsega Or Tadpega,

Yeh Sab Tune Kyun Nahi Socha?

Tu Khud Chali Gayi Us Khuda Ke Paas,

Tune Us Khuda Ka Kyun Nahi Socha?

~NN


27) Joh Hona Tha Ho Gaya, Joh Chhod Kar Gaya Hai, 

Voh Laut Kar Nahi Aanewala, Kab Tak Yoohi Intezaar Karega?

Kab Tak Yoohi Apne Aap Ko Aise Tarsaayega?

Aage Chal, Uth Or Zindagi Me Aage Badh,

Tera Atit Bhi Tujhse Yehi Sawal Karega,

Maine Toh Apna Kaam Kar Liya, Tu Kab Karega?

Aage Chal, Uth Or Zindagi Me Aage Badh.

~NN

No comments:

Post a Comment