NN's Poetries, NN's Shayaris | Part 2 | - The NN Life

Latest

Thursday, February 4, 2021

NN's Poetries, NN's Shayaris | Part 2 |

NN's Poetries, NN's Shayaris

NN's #Poetries #Shayaris


14) Jisko Khud Tut Kar Chaha Maine,

Usi Ne Saath Na Diya Mera,

Jiska Mai Kabhi Na Ho Saka,

Us Shaks Ne Haal Pucha Mera,

Ab Thak Gaya Hu, Ae Khuda,

Mohobbat Ya Toh Dilwa De Ya Bhulwa De?

~NN


15) Paisa Nahi Tera Pyaar Chahiye,

Tere Waqt Ke Saath-Saath,

Tere Sacche Aur Acche Jajbaat Chahiye,

Tera Saath Chahiye,

Aur Kisi Aur Ka Nahi Meri Jaan,

Sirf Aur Sirf Tera Pyaar Chahiye.

~NN


16) Pyaar Sabko Mil Jaaye,

Yaha Har Koi Raanjha Thodi Hai,

Aur Saccha Pyaar Mil Jaaye,

Yaha Har Koi Heer Thodi Hai.

~NN


17) Marne Ki Duaa Karta Raha,

Voh Khuda Zindagi Bakshta Raha,

Jab Zindagi Jeene Ki Aarzoo Ki,

Voh Kaate Se Bhare Phool Mere Khaane Me Parosta Raha.

~NN


18) Khud Ke Saath Zindagi Gujaarni Hai,

Tumse Kya Shikwa Karu?

Mai Khud Se Hi Bewafai Karta Hu,

Tumse Kya Wafaye Karu?

~NN


19) Lagta Hai Tu Mere Naseeb Me Nahi,

Tera Mujhe Chahna Uske Likhaayi Me Nahi,

Tu Kisi Aur Ke Saath Khush Hai,

Mere Saath Kahin Dukh Me Toh Nahi?

Chhod, Lagta Hai Tu Mere Naseeb Me Nahi.

~NN


20) Teri Yaad Aani Ab Kam Ho Gayi Hai,

Tu Dheere-Dheere Mujhse Bohot Dur Ho Gayi Hai,

Nahi Bhulana Chahta Mai Tumhe,

Agar Bhula Jaau Toh Kya Duniya Maanegi, Isse Bhul Ho Gayi Hai?

~NN


21) Tujhe Bhulaane Ke Liye Kisi Aur Ka Sahara Liya Hai Maine,

Kisi Aur Ke Kareeb Jaakar Khud Ke Hi Rooh Ko Rulaya Hai Maine.

~NN


22) Mai Chahta Hu Uske Liye Marna,

Voh Mujhse Milegi Kya?

Uski Mohobbat Koi Aur Hai,

Voh Meri Mohobbat Banegi Kya?

~NN


23) Naresh Sota Nahi Ab,

Khwaab Me Use Bota Nahi Ab,

Rota Hai Akele Voh,

Par Apna Dard Kisi Se Kehna Nahi Ab,

Raat Se Din Hone Ko Aa Jaata Hai,

Par, Naresh Sota Nahi Ab.

~NN


24) Tum Pyaar Kyun Nahi Kar Sakte Mujhse?

Kya Kami Hai Mujhme,

Mai Tumhara Nahi Ho Sakta Puri Tarah,

Ya Tum Ho Chuke Ho Kisi Aur Ke Puri Tarah,

Bolo, Tum Pyaar Kyun Nahi Kar Sakte Mujhse?

~NN


25) Itna Paas Aa Kar Bhi Tu Mere Kareeb Kyun Nahi Hai?

Pyaar Toh Hai Tujhse, Par Voh Junoon Kyun Nahi Hai?

Itna Dur Aa Chuka Hu Tere Saath, Par Dur-Dur Tak Sukoon Kyun Nahi Hai?

Bolo, Itna Paas Aa Kar Bhi Tu Mere Kareeb Kyun Nahi Hai?

~NN

No comments:

Post a Comment