Sher-o-Shayari | NN | - The NN Life

Latest

Monday, January 10, 2022

Sher-o-Shayari | NN |

Sher-o-Shayari

#Shayari


Na Jaun, Na Meer, Na Ghalib Hu Mai,

Mai Toh Voh Hu, Joh Nahi Hu Mai.

~NN


Mujhme dum hai, mai kar sakta hu raaj duniya par,

par jaaneman, tumhare siwa karunga kya?

~NN


Maine socha toh yeh socha, hum ek nahi ho sakte,

itne kareeb ho kar bhi, hum dur nahi ho sakte.

~NN


Tumhara ishq shayar bana raha hai mujhe,

auro ki nazar me, deewana bana raha hai mujhe.

~NN


Dost puchte hai mujhse itna kyun chahta hu tumhe,

ab hum batlaaye toh batlaaye kya?

~NN


Maine yeh kab kaha ki aap ishq kariye mujhe,

mai aapse karta hu, bas karne dijiye mujhe.

~NN


Aisa hi man kiya khud ko tabaah kiya jaaye,

socha, tujhko yaad kiya jaaye.

~NN


Kabhi ishq na ho yara,

agar ho, toh had se jyada na ho yara.

~NN


Mai ab kar sakta hu bhi toh kya,

maine joh chaha kabhi, hua bhi hai kya.

~NN


Kaash joh kuch hua, na hota,

tu aur mai ishq me judaa, na hota.

~NN


Mai nahi hu vahaan, jahan tera jism hai,

mai toh hu vahaan, jahan tera hijra hai.

~NN


Tum hoti toh, aasan hota jeevan,

tum joh nahi ho, rote huye kat-ta hai jeevan.

~NN


Agar tanhai bhulane ke liye sahara liya jaaye,

kya kare voh shaks joh besahara kiya jaaye.

~NN


Bewafai ki had paar ho rahi hai,

tumhare liye gujarishe, khatam ho rahi hai.

~NN


Mai ab zinda rehkar, karu bhi kya?

joh tha mera, voh ab kahaan mera hai.

~NN


Tere baghair gale se niwala, utarta kaisa hai,

tu nahi paas mere, tere baghair yeh dil dhadakta kaise hai.

~NN


Kuch is tarah tera haal na hota 'Naresh',

agar mohobbat rooh se nahi, jism se ki hoti.

~NN


Bewafa bhi tu, pasand hai mujhe,

kuch is kadar tujhse, pyaar hai mujhe.

~NN


Meri maa bhi mujhe, khudki aulaad nahi maanti,

maanti hai auro ki har cheez, lekin apno ki jaat nahi maanti.

~NN


Jab marne ki duaa, khud tere maa-baap kare,

ae shaks, phir tu kyun na mare?

~NN


Aankh bandh karu ya na karu, nazro me tum hi ho,

mai jeeyu ya na jeeyu, dhadkano me tum hi ho.

~NN


Maine khuda se chaha bhi toh kya chaha, tere siwa,

mujhe mila bhi toh kya mila, tere siwa.

~NN


Mujhe nahi maalum, kya hua mujhe,

logo ne jaana, ishq hua mujhe.

~NN


Ab tujhe har chehre me dhundhta hu mai,

kya sitam hai ke, ishq karta hu mai.

~NN


Agar maut aa jaaye mujhe, toh kya gila mujhe,

tu nahi mila, ye ishq ki saja hai mujhe.

~NN


Maine har duaa me, yeh duaa ki hai,

duaa na ho agar meri kabul toh ae khuda, badduaa de mujhe.

~NN


Mujhe mauka milta toh batata mai ke ishq ke tujhse,

jismaani nahi ke, roohani hai tujhse.

~NN


Tumhare ishq me, tumhare dukh me duba rehta tha mai,

kaha gaya voh zamana, jab tanha rehta tha mai.

~NN


Mai chahta tha tumhe mankuha banana meri,

qismat ne kuch aisa khel khela, hum dost tak na ban paaye.

~NN


Maut mujhko manjur hai, lekin

maut tujh karan ho, toh koi baat ho.

~NN


Mai chahu bhi toh, koi chahat nazar nahi aati,

tere siwa mujhe, koi rahat nazar nahi aati.

~NN


Chahat ki chahat ka ye sila hua,

na chahat rahi, na mai zinda hua.

~NN


Agar kabhi mujhe kisi se pyaar ho jaaye,

kya kare rooh, jab jism judaa ho jaaye.

~NN


Agar kabhi chahat badh jaaye, kisi aur ke liye meri,

tum ho jaana uski, kisi aur ke liye meri.

~NN


Tujhse judaa hokar ab tak mujhe, aisa kar jaana chahiye tha,

aakhir ab tak toh mujhe, mar jaana chahiye tha.

~NN


Mujhko baddua di gayi hai,

bin tere zinda rehne ki.

~NN


Koi toh ho na, joh ishq kare mujhse,

mai nahi karta, koi dusra toh kare!

~NN


Mai mar jaata, par mar nahi sakta,

Mai jee jaata, par tere baghair jee bhi nahi sakta.

~NN


Kab tak yuhi gujara hote rahega,

tu mere baghair, mai tere baghair sote rahega.

~NN


Tere alawa, khuda se meri fariyaad kya hai,

agar maut aa bhi gayi, lekin bacha kya hai?

~NN


Hai aarzoo, ki tum ho jaao meri,

hai shikwa, ke tum nahi ho sakte mere.

~NN


Tum agar bewafa hote, toh bhi accha tha,

tumhare kuch na hone ne, mujhe bahut kuch hona sikha diya.

~NN


Meri zindagi me maut ka yuh intezaar hai,

jis tarah zindagi ka intezaar koi murda kare.

~NN


Ya allah, rehmat ata kar,

joh hai mujhse judaa, use aur judaa kar.

~NN


Hai maasumiyat-e-mohobbat kuch aisi,

mai roya toh hasa voh bhi nahi.

~NN


Agar maut milna aasaan hota,

na tere liye rota, na ab tak mai zinda hota.

~NN


Zindagi bhi kya zindagi hai,

zindagi me kuch zindagi sa nahi.

~NN


Kyun maut tu hai mujhse khafa,

tere siwa toh ab mera koi nahi.

~NN


Hume judaa kiya gaya hai milne ke liye,

milaya jaata hi hai, judaa karne ke liye.

~NN


Koi mujhse bicchadne ki baat kare toh mai ghabra jaata hu,

ki shaqs bicchad chuka hai.

~NN


Maine jana tha ye ki janu mai kya,

jana fir mai ye ki jaanna na tha kuch.

~NN


Aakhir me bhi kuch na pa saka mai,

tujhe paane ki khwaish thi, tujhe hi kho chala mai.

~NN


Sochne se mujhe kuch na mila,

joh mila humne socha nahi tha.

~NN

No comments:

Post a Comment